Rusiye tebi'etke qoyup bergen sibiriye yolwisi xitayda owlinip kétish xewpige duch kelgen

Muxbirimiz jüme
2014-10-11
Élxet
Pikir
Share
Print


"Nyu - york waqit géziti" ning xewer qilishiche, rusiye da'iriliri tebi'etke qoyup bergen sibiriye yolwisi amur deryasidin ötüp xitaygha qarap ketken. Bu mezkur yolwasni közitiwatqan xadimlarning endishisini qozghighan. Ularning bildürüshiche, eger bu yolwas xitay terepte turup qalsa owlinip kétish xewpige duch kélidiken.

"Kuzya" dep nam bérilgen, 23 ayliq sibiriye yolwising béqilishi we tebi'etke qoyup bérilishige rusiye prézidénti putinmu arilashqan bolup, bu yolwas "Putinning yolwisi" depmu atilidiken.

Nöwette mezkur yolwasni közitiwatqan xadimlar yolwasni xitay terep bilen hemkarliship radi'o signali arqiliq iz qoghlap tekshürüshke bashlighan.

Melum bolushiche, xitaydiki qarangghu bazarda sibiriye yolwisi köp pulgha yaraydighan bolup, bu mezkur yolwasning owlinip kétish xewpini ashuridiken.

Bir qisim xitay blogchilarmu mezkur yolwasqa köngül bölüshke bashlighan.

Bir blogchi mundaq yazghan: "Bu bichare yolwasning bay emeldarning öyidiki palasqa aylinip kétishige qanche uzun qalghandu."

Melum bolushiche, xeter astidiki sibiriye yolwisini qoghdash xizmitining küchiyishige qarimay her yili 40 tin artuq sibiriye yolwisi owlinip, xitay tébabitining rétsépigha aylinip kétidiken.

Toluq bet