Birleshme agéntliq: “Xitay ‛ijtima'iy jinayetchiler‚ nami astida siyasiy öktichilerni ujuqturuwatidu”

Muxbirimiz shöhret hoshur
2018.03.16

Birleshme agéntliqning bügün xewer qilishiche, xitayning bu yil 1‏-ayda memliket miqyasida bashlan'ghan teshkillik ijtima'iy jinayetlerge qarshi heriket dolquni ijtima'iy muqimliqni emes, belki siyasiy muqimliqini, yeni xitay kompartiyesining hakimiyitige qarshi tehditlerni bir terep qilish mahiyitide dawam qilmaqtiken.

Xewerde déyilishiche, mezkur heriket bashlan'ghan deslepki aydila xitay boyiche 10 mingdin artuq kishi tutulghan. Bularning xéli bir qisimni adwokatlar we erzdarlar qatarliq xitayning nöwettiki hakimiyet qatlimidin narazi kishiler igiligen.

Shinxu'a agéntliqimu mezkur dolqun heqqidiki xewiride bu heriketning deslepte jama'et xewpsizliklini nishanlighan bolsa, emdilikte asasiy qatlamdiki hakimiyetni mustehkemleshni közlewatqanliqini yoshurmighan.

Birleshme agéntliqning bu heqtiki xewiride ijtima'iy jinayetchilerge qarshi dolqunning tibet we Uyghur rayonida “Bölgünchilikke zerbe bérish” dolqunigha aylan'ghanliqi ilgiri sürülgen. Emma muhajirettiki bezi Uyghur közetküchiler, xitayda memliket boyiche qozghalghan bu ijtima'iy jinayetchilerge qarshi heriket dolqunining Uyghur rayonida bultur 3‏-aydin bashlap kéngeygen we dawam qiliwatqan “Yépiq terbiye” dolqunigha nisbeten köp ajiz ikenlikini, Uyghur rayonida bu dolqun'gha nishan bolghudek kishilerning asasen lagérlargha qamilip bolghanliqini, shunga bu dolqunning Uyghur rayonida bir tesir peyda qilish éhtimalining azliqini ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.