Шинҗаң даирилири америка вә явропада оқуғанларға қарита “сиясий-идийәви тәрбийә” ни күчәйткән

Мухбиримиз әркин
2021.06.28

Хитайниң америка вә явропа билән болған уйғурлар мәсилисидики мунасивәтлириниң җиддилишишигә әгишип, “шинҗаң даирилири” америка вә явропада оқуғанларға қарита сиясий-идийиәви контроллиқни күчәйткән.

“хитай хәвәрлири” ториниң ашкарлишичә, даириләр йеқинда америка вә явропада оқуған хадимларни тәшкилләп, сиясий тәлим-тәрбийәгә орунлаштурған. Хәвәрдә бу паалийәтниң “чәт әлдә оқуған хадимларға қарита сиясий-идийәви йетәкләшни техиму күчәйтиш” ни мәқсәд қилғанлиқи тәкитләнгән.

Мәлум болушичә, даириләр америка вә явропада оқуған 15 кишини тәшкилләп, уйғур иелидики “йәнән роһий тәлим-тәрбийә базилири” ни зиярәт қилишқа орунлаштурған, шундақла уларни “компартийә билән бир нийәттә болуш, йеңи җоңго билән биллә меңиш” намидики сиясий өгинишкә уюштурған. Хитай һөкүмити 2017-йили башланған чоң тутқунда аз дигәндә бир милйон 800 миң уйғурни лагер вә түрмиләргә қамапла қалмай, уларниң тарихий вә мәдинийәт излириниму чеқип ташлап, нурғун “қизил тәлим-тәрбийә базилири” ни қурған иди.

Кишилик һоқуқ тәшкилатлири хитай даирилириниң бу һәркитини “ирқий қирғинчилиқи” ниң парчиси, дәп әйиблигән. Һалбуки, “хитай хәвәрлири” ниң бу һәқтики билдүрүшидә, чәт әлдә оқуған хадимлар бу қетимқи “сиясий-и‍дийәви тәрбийә арқилиқ йәнән роһиниң улуғлиқи”, униң “җоңхуа миллитиниң қиммәтлик мәниви байлиқи” ‍икәнликини тонуп йәткәнлики тәшвиқ қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.