Ürümchi shehiri bu yil qish kirgendin buyanqi eng qattiq soghuqqa duch kelgen
2017.01.21
Bu yil qishta dunyaning bezi jaylirida binormal témpératura körülüp, hazirghiche soghuq chüshmigen bolsimu, emma yawro-asiya chong quruqliqining shimali we sibiriye etrapidiki rayonlarda yéqinqi birqanche kün ichide qattiq soghuq körülmekte.
Tengritagh torining xewirige qarighanda, ürümchi shehiri aldinqi birqanche künde bu yil qish kirgendin buyanqi eng qattiq soghuqqa duch kelgen.
Melum bolushiche, 17-yanwar küni ürümchi shehiride témpératura nöldin töwen 19 sélsiye giradusqa chüshüp, pewqul'adde qattiq soghuq bolghan. Bu 3-chilla axirliship, 4-chilla kirgen tunji kün bolup, ündidar qatarliq ijtima'iy taratqularda “Achchiq soghuq” qa da'ir mezmunlar tolup ketken.
Ürümchi sheherlik mété'orologiye istansisining bildürüshiche, kelgüsidiki birqanche hepte ichide ürümchi rayonida témpérature nöldin töwen 20 sélsiye giradusqa chüshüsh éhtimalliqi bar iken. Uyghur élining shimalidiki bir qisim rayonlardimu témpératura biraqla töwenleydiken.