7 яшлиқ уйғур қизи 1942 - йили уйғур хәлқ нахшиси ейтип, совет иттипақи бойичә биринчи орунни игилигән

Мухбиримиз үмидвар
2016-10-09
Share


Йеқинда оттура асияда рус тилида тарқитилидиған сәнәт тори "пәрваз" сәһипилири 1942 - йили, йәни 2 - дуня уруши мәзгилидә алматада өткүзүлгән пүтүн совет иттипақи бойичә балилар бәдиий иҗадийәт сәнәт мусабиқисидә 7 яшлиқ уйғур қизи зиннәт әкбәрованиң уйғур тилида нахша ейтип, усул ойнаватқан һөҗҗәтлик филим көрүнүшини елан қилди.

Мәлум болушичә, шу қетимлиқ пүтүн совет иттипақи бойичә өткүзүлгән мусабиқидә челәк йезисидин кәлгән мәзкур 7 яшлиқ уйғур қизи зиннәт бешиға доппа, учисиға уйғур миллий кийимлирини кийип, уйғур хәлқ нахшисини уйғур тилида орундап, биринчиликини игилигән. Шу қетимлиқ мусабиқигә москва вә башқа пүтүн совет иттипақиниң һәр қайси җумһурийәтлиридин һәр милләт кичик чолпанлири келип қатнашқан болуп, уларниң қатарида кейин пүтүн совет иттипақи вә русийәниң мәшһур музиканти болуп тонулған александира пахмутоваму бар икән. Әмма биринчи орунни игиләш уйғур қизиға мәнсуп болуп, униңға алтун саәт тәқдим қилинған вә мәхсус униң нахша ейтиватқан көрүнүши филимгә елинған.

Бу, уйғурларниң йеқинқи тарихта тунҗи қетим сәнәт саһәсидә әң юқири орунни игилиши һесаблинидикән. Мәзкур филим йәнә уйғур сәнитигә аит әң дәсләпки филимлардин һесаблинидикән.

Қазақ миллий енсиклопедийисидики зиннәт әкбәроваға аит баяндин мәлум болушичә,у 1950 - 1980 - йилларда қазақистан җумһурийәтлик уйғур тиятириниң артиси сүпитидә хизмәт қилип, уйғур драмилирида нозугум, майимхан қатарлиқ қәһриман қизларни өз ичигә алған 100 дин артуқ ролни ойниған вә униңға "қазақистан хәлқ артиси" дегән алий нам берилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт