7 Yashliq Uyghur qizi 1942 - yili Uyghur xelq naxshisi éytip, sowét ittipaqi boyiche birinchi orunni igiligen

Muxbirimiz ümidwar
2016-10-09
Share


Yéqinda ottura asiyada rus tilida tarqitilidighan sen'et tori "Perwaz" sehipiliri 1942 - yili, yeni 2 - dunya urushi mezgilide almatada ötküzülgen pütün sowét ittipaqi boyiche balilar bedi'iy ijadiyet sen'et musabiqiside 7 yashliq Uyghur qizi zinnet ekberowaning Uyghur tilida naxsha éytip, usul oynawatqan höjjetlik filim körünüshini élan qildi.

Melum bolushiche, shu qétimliq pütün sowét ittipaqi boyiche ötküzülgen musabiqide chélek yézisidin kelgen mezkur 7 yashliq Uyghur qizi zinnet béshigha doppa, uchisigha Uyghur milliy kiyimlirini kiyip, Uyghur xelq naxshisini Uyghur tilida orundap, birinchilikini igiligen. Shu qétimliq musabiqige moskwa we bashqa pütün sowét ittipaqining her qaysi jumhuriyetliridin her millet kichik cholpanliri kélip qatnashqan bolup, ularning qatarida kéyin pütün sowét ittipaqi we rusiyening meshhur muzikanti bolup tonulghan aléksandira paxmutowamu bar iken. Emma birinchi orunni igilesh Uyghur qizigha mensup bolup, uninggha altun sa'et teqdim qilin'ghan we mexsus uning naxsha éytiwatqan körünüshi filimge élin'ghan.

Bu, Uyghurlarning yéqinqi tarixta tunji qétim sen'et saheside eng yuqiri orunni igilishi hésablinidiken. Mezkur filim yene Uyghur sen'itige a'it eng deslepki filimlardin hésablinidiken.

Qazaq milliy énsiklopédiyisidiki zinnet ekberowagha a'it bayandin melum bolushiche,u 1950 - 1980 - yillarda qazaqistan jumhuriyetlik Uyghur tiyatirining artisi süpitide xizmet qilip, Uyghur dramilirida nozugum, mayimxan qatarliq qehriman qizlarni öz ichige alghan 100 din artuq rolni oynighan we uninggha "Qazaqistan xelq artisi" dégen aliy nam bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet