Вилсон мәркизи сталинниң корийә мәсилиси бойичә мав зедоңға әвәткән сифирлиқ мәхпий телеграммисини ашкара қилди

Мухбиримиз қутлан
2016-09-24
Share

Йеқинда баш шитаби вашингтондики вилсон тәтқиқат мәркизи йосеф сталинниң 1950 - йили 4 - айда корийә мәсилиси бойичә мав зедоңға әвәткән сифирлиқ мәхпий телеграммисини ашкара қилди.

Телеграмма мәхпий болғанлиқи үчүн сталинниң исми биваситә тилға елинмай, филиппоф дегән намда әвәтилгән. Сталин әйни чағда шималий корийә ишчилар партийәсиниң рәһбири ким ерсин тәрипидин москваға әвәтилгән вәкилләр билән көрүшкәндин кейин, мав зедоңға бу сифирлиқ телеграммини әвәткән. Телеграммида сталин мав зедоңға көрсәтмә берип, корийә йерим арилиниң мәсилисини чоқум хитай тәрәп билән корийә вәкиллири бирликтә һәл қилиши керәк, дегән.

Мезкур телеграмма 1950 - йилларниң башлирида сталин, мав зедоң вә шималий корийә рәһбири ким ерсин арисида корийә киризиси бойичә йолланған көплигән мәхпий телеграммиларниң бири болуп, тарихчилар уни корийә уруши вә униң арқа көрүнишини тәтқиқ қилиштики қиммәтлик тарихий һөҗҗәтләрниң бири дәп һесаблимақта.

Америкидики вилсон мәркизи йеқинқи йиллардин буян соғуқ уруш дәври һәмдә америка, сабиқ советләр иттипақ вә хитайниң иккинчи дуня урушидин кейинки мунасивәтлири һәққидә көплигән биринчи қол архип материяллири вә тарихий һөҗҗәтләрни елан қилмақта. Буларниң ичидә уйғур дияриға мунасивәтлик архипларму бар болуп, таричиларниң диққитини қозғимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт