Aqsu meblegh chaqirish üchün su insha'atini kücheytmekchi

Muxbirimiz gülchéhre
2017-03-02
Élxet
Pikir
Share
Print

Junggo axbarat tori xewirige qarighanda, "Jenubi shinjang déhqanchiliq soda yermenkisi" aqsu shehiridiki körgezme merkizide 3-marttin 5-martqiche échilidighan bolup, körgezmining yéza igilik sahelirige téximu köp meblegh chaqirishni meqset qilidighanliqi körsitilgen.

Aqsu da'iriliri bu yil yéza igilik mehsulatlirini sétip chiqirish yollirini kéngeytip, soda chong baziri we rayon xaraktérlik özgiche yéza igilik mehsulatliri ghol merkizi qurushni ilgiri süridiken. Wilayetlik su ishliri idarisi partguruppisining sékrétari li shöjünning söziche, pilan'gha mas halda bu yil 3 milyard 900 milyon somluq su insha'ati qurulushi qilish nishani chüshürülgen bolup, wilayetning su ishlirigha munasiwetlik chong-chong türlirini testiqlap, tür turghuzulushigha heqiqiy kapaletlik qilinidiken.

Halbuki, aqsu wilayitidiki cheklik su menbesi we tebi'iy muhitning buzulushi izchil halda her sahe kishilirining diqqitini qozghap kelmekte.

Analizchilarning inkaslirigha qarighanda, aqsuda ünümdar yerler we su menbelirining asasen bingtu'en yéza igilik ishlepchiqirish meydanliri hemde köchmen xitaylar teripidin igilinishi, barawer bolmighan siyasetler tüpeyli Uyghur déhqanlar qolidiki yerlerning tartiwélinip, sudin qisilip, yerlik milletler yéza igilikning tereqqiyatidin menpe'etlinelmey kéliwatqan bolup, eksiche döletning meblighi we ewzel siyasetliri bilen bingtu'en meydanliri pütünley ilghar üskünileshken, su menbelirini igiligen. Ular asasliq menpe'et béridighan, iqtisadiy ünümi yuqiri yéza igilik mehsulatlirini ishlepchiqirishni pütünley monopol qilghan.

Lékin, bingtu'enning pilansiz yer échish, köchmen yötkesh tüpeyli ékologiyige buzghunchiliq qilish qilmishlirining küchiyip bériwatqanliqi közetküchiler we muhit mutexessisliri teripidin otturigha qoyulup kelmekte.

Toluq bet