Биңтуән нөвәттә уйғур елиниң йәр асти су мәнбәлирини толуқ контрол қилиш үчүн һәрикәткә өткән

Мухбиримиз ирадә
2018-11-22
Елхәт
Пикир
Share
Принт

«Җуңго хәвәрләр тори» 16-январ күни тарқатқан бир хәвәрдин мәлум болушичә, хитайниң уйғур елидә турушлуқ ишләпчиқириш-қурулуш армийәси, йәни биңтуән 15 милйон йүәнгә йеқин мәбләғ селип, уйғур дияридики йәр асти су мәнбәлирини тәкшүрүш вә өлчәш хизмәтлирини башлиған.

Мәзкур хизмәт пиланини биңтуән су идариси вә биңтуән малийә идариси бирликтә елип баридиған болуп, бу биңтуәнниң уйғур диярида 3-қетимлиқ су мәнбәлирини қидириш вә өлчәш қурулуши болуп һесаблинидикән.

Тарихи материяллардин қариғанда, 1950-йиллардин етибарән биңтуән 1-девизийәсигә қарашлиқ 16 полк мәйдани тарим дәрясиниң юқири еқинидики районларни, йәни арал қатарлиқ районларни мәркәз қилип, 2-девизийәгә қарашлиқ 14полк мәйдани болса корлини асас қилған һалда тарим дәряниң оттура вә төвән еқинлири районини контрол қилған икән.

Уйғур елиниң су вә туприқи әң мунбәт җайлирини игиләп турған биңтуән қисимлириниң нөвәттә уйғур елиниң йәр асти су мәнбәлирини толуқ контрол қилиш үчүн ғайәт зор мәбләғ аҗритип һәрикәткә өтүши күчлүк диққәт қозғиди.

Мәзкур хәвәргә қариғанда, биңтуән уйғур елидики су мәнбәлирини 3-қетим омумйүзлүк тәкшүрүш вә өлчәш хизмитини алдинқи йили 8-айда башлиған икән. 2019-Йили 6-айда «су мәнбәлирини тәкшүрүш баһалаш нәтиҗиси доклати» вә «йәр асти су мәнбәлирини қезип чиқириш пилан лайиһә доклати» қатарлиқлар елан қилинидикән.

Пикирләр (0)
Share
Толуқ бәт