Bingtu'en nöwette Uyghur élining yer asti su menbelirini toluq kontrol qilish üchün heriketke ötken

Muxbirimiz irade
2018-11-22
Élxet
Pikir
Share
Print

"Junggo xewerler tori" 16-yanwar küni tarqatqan bir xewerdin melum bolushiche, xitayning Uyghur élide turushluq ishlepchiqirish-qurulush armiyesi, yeni bingtu'en 15 milyon yüen'ge yéqin meblegh sélip, Uyghur diyaridiki yer asti su menbelirini tekshürüsh we ölchesh xizmetlirini bashlighan.

Mezkur xizmet pilanini bingtu'en su idarisi we bingtu'en maliye idarisi birlikte élip baridighan bolup, bu bingtu'enning Uyghur diyarida 3-qétimliq su menbelirini qidirish we ölchesh qurulushi bolup hésablinidiken.

Tarixi matériyallardin qarighanda, 1950-yillardin étibaren bingtu'en 1-déwiziyesige qarashliq 16 polk meydani tarim deryasining yuqiri éqinidiki rayonlarni, yeni aral qatarliq rayonlarni merkez qilip, 2-déwiziyege qarashliq 14polk meydani bolsa korlini asas qilghan halda tarim deryaning ottura we töwen éqinliri rayonini kontrol qilghan iken.

Uyghur élining su we tupriqi eng munbet jaylirini igilep turghan bingtu'en qisimlirining nöwette Uyghur élining yer asti su menbelirini toluq kontrol qilish üchün ghayet zor meblegh ajritip heriketke ötüshi küchlük diqqet qozghidi.

Mezkur xewerge qarighanda, bingtu'en Uyghur élidiki su menbelirini 3-qétim omumyüzlük tekshürüsh we ölchesh xizmitini aldinqi yili 8-ayda bashlighan iken. 2019-Yili 6-ayda "Su menbelirini tekshürüsh bahalash netijisi doklati" we "Yer asti su menbelirini qézip chiqirish pilan layihe doklati" qatarliqlar élan qilinidiken.

Toluq bet