"Sh u a r" qurulghanliqining 65 yilliqini tebriklesh söhbet yighinida "Uyghur" nami ishlitilmigen

Muxbirimiz jewlan
2020-10-07
Élxet
Pikir
Share
Print

Xitaydiki "Soxu" torining yéqinda bergen xewirige qarighanda, xitay hökümiti 3-öktebir Uyghur aptonom rayoni qurulghanliqining 65 yilliqi munasiwiti bilen ürümchidiki xelq sariyida söhbet yighini ötküzgen.

Xewerde éytilishiche, bu yighin'gha Uyghur aptonom rayonluq partkom we bingtu'en partkomining sékrétari chin chüen'go qatnashqan we söz qilghan. Xitay memliketlik xelq qurultiyi da'im komitétining sabiq mu'awin bashliqi isma'il tiliwaldi, xitay memliketlik siyasiy kéngeshning sabiq mu'awin re'isi ablet abduréshit qatarliqlar qatnashqan. Uyghur aptonom rayonluq hökümetning re'isi shöhret zakir yighin'gha riyasetchilik qilghan.

Yighinda chén chüen'go Uyghur rayonidiki her millet xelqining 65 yildin buyan xitay kompartiyesining rehberlikide tiriship algha igirilep, koniliqtin yéngiliqqa, namratliqtin bayashatliqqa, bölgünchiliktin ittipaqliqqa ötkenlikidek atalmish "Parlaq netijiler" ni sözlep ötken. Andin u kompartiyening shinjang siyasitining izchil toghra bolup kéliwatqanliqini, bolupmu xitay kompartiyesining bash sékrétari shi jinping hoquq tutqandin kéyin achqan ikki qétimliq "Shinjang xizmet yighini" din kéyin Uyghur aptonm rayonida misli körülmigen tinchliq we tereqqiyat weziyiti barliqqa kelgenlikini tekitligen.

"Soxu" tori qatarliq xitayning köpligen torlirida Uyghur aptonom rayonining nami "Aptonom rayon" depla élin'ghan bolup, "Uyghur" dégen söz chiqiriwétilgen. Közetküchilerning qarishiche, xitay taratqulirida bu xil ehwal ilgirimu körülgen bolsimu, lékin yéqinqi mezgillerde barghanche omumliship barmaqtiken. Buningdin xitay hökümitining "Uyghur aptonom rayoni" diki "Uyghur" dégen millet uqumini barghanche suslashturush we yoqitish niyitini körüwalghili bolidiken. Bu öz nöwitide yene shi jinpingning "2-Ewlad milletler siyasiti" ning ijra qilinishi bolup, bu siyasette millet uqumini tekitlimeslik, milliy alahidilikni yoqitish we assimilyatsiye qilish nishan qilin'ghan.

Toluq bet