Uyghurlarning süküt arqiliq naraziliq bildürüsh herikiti xelq'ara taratqularning diqqitini qozghidi

Muxbirimiz erkin
2020-04-27
Élxet
Pikir
Share
Print

Chet'eldiki Uyghurlar Uyghur diyaridiki zulumgha qarita süküt arqiliq xelq'araning diqqitini qozghash herikiti bashlap, chet'el taratqulirining diqqitini qozghighan.

"Gérmaniye dolqunliri" ning bu heqtiki xewiride korona wirusining dunyawi yuqumgha aylinishi bilen xelq'ara taratqularning diqqitining yuqumgha buralghanliqi, buning bilen chet'eldiki Uyghurlarning bu heriketni qozghap, xelq'ara taratqularning diqqitini dawamliq Uyghur mesilisige burashqa tirishiwatqanliqini bildürgen.

Xewerde qeyt qilinishiche, "Uyghurlargha qulaq séling" namliq bu heriketni qozghighan aktiplar chet'eldiki Uyghurlarni özlirining ghayib bolghan a'ile ezaliri heqqide guwahliq bérip, uni tiwittér qatarliq chet'el ijtima'iy taratqulirida élan qilishqa chaqirmaqtiken. Lékin bu qétimqi heriketning oxshimaydighan teripi buningda naraziliq süküt arqiliq ipadilinidiken. Mezkur heriketni bashlighan aktiplarning biri türkiyede turushluq awstraliye puqrasi arslan hidayet bolup, u buningda kishilerning "Beden tilini ishqa sélip, süküt arqiliq a'ile ezalirigha bolghan endishisini dunya bilen ortaqlishidighanliqi" ni bildürgen.

"Gérmaniye dolqunliri" ning tekitlishiche, 17-aprél bashlan'ghan bu heriketke hazirgha qeder dunyaning her qaysi jayliridin 20 dek Uyghur qatnashqan. Naraziliqni süküt arqiliq ipadileshtek bu usulni ilgiri Uyghur rayonidiki Uyghurlar özlirining lagérdiki a'ile ezalirigha bolghan endishilirini ipadileshte qollan'ghan. Ular xitayning tik-tok munbiri arqiliq nurghun resimlik uchurlarni yollighan idi. Arslan hidayet bu qétimqi herikette özlirining bu usulni qollan'ghanliqini bildürgen.

Toluq bet