Türkiye süriye chégrisi ichidiki sulayman shah qebrisini köchürüsh herbiy herikiti élip bardi

Muxbirimiz ümidwar
2015-02-22
Élxet
Pikir
Share
Print


Türkiye qoshun ewetip süriye chégrisi ichidiki osmanli impériyisining asaschisi sulayman shahning qebrisini yötkigen bolup, bu xewer dunya metbu'atlirining qiziq témisigha aylandi.

Amérika awazining xewer qilishiche,süriye türkiye terepning qebrini we bu yerdiki qarawullirini yötkesh herikitini "Ashkara tajawuzchiliq" dep eyibiligen.

Roytérs agéntliqining yézishiche, türkiye bash ministiri dawut oghlu türkiye qoshunining sulayman shahning qebrisini we qebirini qoghdawatqan 40 neper herbiy xadimni bashqa bixeter jaygha yötkep ketkenlikini bildürdi. Bu heriketni ishqa ashurushqa 572 neper herbiy xadim qatnashturulghan.

Türkiye trt radi'osining xewer qilishiche, türkiye hökümiti terep bu qebrini yötkeydighan herbiy xadimlar üchün 50 tanka ajratqan we küreshchi ayropilan chiqirip, charlash élip barghan.

Türkiye terep mezkur qebre yötkesh herbiy herikitining muweppeqiyetlik we xelqara qanunlargha uyghun bolghanliqini bildürgen, mezkur herbiy heriket 21 - féwral bashlinip,22 - féwral küni muweppeqiyetlik orundalghan.

Mezkur qebrige yéqin rayonlarda kurtlar qoshuni bilen islam döliti arisida toqunushlar dawamlashmaqta idi.

Sulayman shah, osmanli impériyesining qurghuchisi, we birinchi padishahi osman ghazining bowisi bolup, u,1178—1227 - yilliri arisida yashap wapat bolghan. 1921 - Yili enqere hökümiti bile fransiye hökümiti kélishim tüzgende mezkur qebre bar jay türkiye zémini süptide étirap qilin'ghan. 1923 - Yili, qebre bar jayda bayraq chiqirish we qebrini mexsus hörmet qarawulliri bilen qoghdash salahiyiti bérilgen idi.

Toluq bet