Д у қ: «хитайниң қурбан һейтта сүний тәбрикләш паалийәтлирини уюштуруши алдамчилиқтур»

Мухбиримиз әркин
2019-08-12
Share

Хитай һөкүмити бу йиллиқ қурбан һейтта уйғур райониниң хотән, қәшқәр, ақсу, корла, үрүмчи қатарлиқ шәһәрлиридә пуқраларни нағра-сунай челиш, сама ойнаштәк паалийәтләргә уюштуруп, қурбан һейтни» хушал-хурам «күтүвелишқа тәшкиллигән.

Хитай таратқулирида «шинҗаңдики һәр милләт хәлқиниң қурбан һейтни шад-хурамлиқ ичидә тәнтәнә билән күтүвалғанлиқи» дәп кәң хәвәр қилинди. Лекин дуня уйғур қурултийиниң қаришичә, бу паалийәтләр 2 милйондәк уйғурни йиғивелиш лагерлириға қамап, уйғурларниң диний етиқадини пүтүнләй чәклигән хитай һөкүмитиниң хәлқарани алдаш үчүн ойдуруп чиқарған бир көз боямчилиқ һәрикити икән.

Д у қ ниң баянатчиси дилшат ришит 12‏-авғуст күни радийомизда хитай таратқулириниң қурбан һейт һәққидики хәвәрлиригә рәддийә берип, бу паалийәтләрни уйғурларниң өз ихтиярлиқи билән елип бармиғанлиқи, бу паалийәтләрни һөкүмәтниң мәҗбурий тәшкиллигәнликини илгири сүрди. Дилшат ришитниң қәйт қилишичә, хитай һөкүмити қурбан һейтниң алдида җайларға уқтуруш чүшүрүп, қурбан һейтта мусулманларниң коллектип һейтлишини чәклигән икән. У үрүмчи сайбағ районлуқ һөкүмәтниң қурбан һейт алдида чүшүргән уқтурушида һейт пәтиси қилидиған кишиләрниң бина башқуруш һәйитигә тизимға алдуруши тәләп қилинғанлиқини билдүрди.

Бу йилқи қурбан һейт хитай һөкүмитиниң уйғурларни йиғивелиш лагерлириға кәң көләмлик қамиши ғәрб дөләтлириниң қаттиқ тәнқидигә учраватқан, америка һөкүмити чен чүәнго, җу хәйлүн қатарлиқ хитай әмәлдарлирини җазалашниң йоллирини издәватқанлиқини билдүргән бир вақитта йетип кәлгән иди. Лекин «тәңритағ тори» қатарлиқ хитай һөкүмәт таратқулириниң хәвәрләрдә, қәшқәр хәлқиниң һейтгаһ мәйданида нағра-сунай челип, сама уссули ойниғанлиқи шундақла хотән, чәрчән, шаяр, җимисар, үрүмчиниң тәңритағ райони қатарлиқ җайларда тәбрикләш паалийәтлириниң өткүзүлүп, «тәңри теғиниң җәнубий вә шималини қайнам-ташқинлиқ байрам кәйпияти қаплиғанлиқи» илгири сүрүлгән. Лекин һечбир хәвәрдә бирәр мусулманниң қой союп, қурбанлиқ қилғанлиқи тилға елинмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.