Обама америка хәлқидин сүрийәгә һәрбий һәрикәт қоллиниш тәһдитини давам қилдурушини қоллишини тәләп қилди

Мухбиримиз ирадә
2013-09-11
Share

Америка президенти барак обама сәйшәнбә телевизийидә нутуқ сөзләп, америка хәлқидин сүрийә һөкүмитигә һәрбий һәрикәт қоллиниш билән тәһдит қилишни қоллишини тәләп қилди.

Барак обама сөзидә, сүрийәниң химийиви қоралларни хәлқаралиқ органларға тапшуруп беришкә мақул болуши сүрийәгә һәрбий һәрикәт қоллиниш еһтималлиқини азайтиду. Әлвәттә биз алди билән мәсилини дипломатик усул арқилиқ һәл қилиш тәрәпдари, дегән. Әмма у йәнә бу қетимлиқ һәрбий һәрикәт тәһдитиниң дипломатик сөһбәтләрниң алдини ачқанлиқини әскәрткән.

Обама сәйшәнбә күнидики нутқида сүрийә һөкүмитигә қарши һәрбий һәрикәт қоллиниш еһтималлиқиниму пүтүнләй чәткә қақмиған. У бәшәр әсәд һөкүмитигә қарши чәклик даиридики һәрбий һәрикәт қоллинишниң йәнила зөрүрлүкини тилға алған вә хәлқниң өзини қоллишини тәләп қилған.

У сөзидә "мән икки йилдин буян башқиларниң ички урушиға һәрбий күч арқилиқ арилишишқа қарши чиқип кәлгән идим. Әмма бу көз қаришим 21-авғуст күни йәни бәшәр әсәд өз хәлқигә қарши химийиви қоралларни ишқа салған күни өзгәрди" деди. У сөзидә йәнә, химийиви қоралларни ишлитишкә қарши қанун-бәлгимиләр иҗра қилинмиған тәқдирдә, әсәд һөкүмитиниң буни ишлитишни давам қилидиғанлиқини, нәтиҗидә химийиви қоралларниң террорчиларниң қолиға чүшүп кетидиғанлиқини, буниң хәлққә қарши вә һәтта америка әскәрлиригә қарши ишлитилидиғанлиқини әскәртти.

Обама сөзидә, һәрбий һәрикәтниң пәқәтла әсәдниң иккинчиләп химийиви қорал ишлитишиниң алдини елиш үчүн икәнликини, униң һәргизму америкиниң ирақ вә афғанистандикигә охшаш узунға созулған бир урушқа айланмайдиғанлиқини, америка хәлқиниң әмди башқа бир урушниң ичигә кирип қелишни халимайдиғанлиқини билидиғанлиқини алаһидә тилға алди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт