Obama amérika xelqidin süriyege herbiy heriket qollinish tehditini dawam qildurushini qollishini telep qildi

Muxbirimiz irade
2013.09.11
Share on WhatsApp
Share on WhatsApp

Amérika prézidénti barak obama seyshenbe téléwiziyide nutuq sözlep, amérika xelqidin süriye hökümitige herbiy heriket qollinish bilen tehdit qilishni qollishini telep qildi.

Barak obama sözide, süriyening ximiyiwi qorallarni xelq'araliq organlargha tapshurup bérishke maqul bolushi süriyege herbiy heriket qollinish éhtimalliqini azaytidu. Elwette biz aldi bilen mesilini diplomatik usul arqiliq hel qilish terepdari, dégen. Emma u yene bu qétimliq herbiy heriket tehditining diplomatik söhbetlerning aldini achqanliqini eskertken.

Obama seyshenbe künidiki nutqida süriye hökümitige qarshi herbiy heriket qollinish éhtimalliqinimu pütünley chetke qaqmighan. U besher esed hökümitige qarshi cheklik da'iridiki herbiy heriket qollinishning yenila zörürlükini tilgha alghan we xelqning özini qollishini telep qilghan.

U sözide “Men ikki yildin buyan bashqilarning ichki urushigha herbiy küch arqiliq arilishishqa qarshi chiqip kelgen idim. Emma bu köz qarishim 21-awghust küni yeni besher esed öz xelqige qarshi ximiyiwi qorallarni ishqa salghan küni özgerdi” dédi. U sözide yene, ximiyiwi qorallarni ishlitishke qarshi qanun-belgimiler ijra qilinmighan teqdirde, esed hökümitining buni ishlitishni dawam qilidighanliqini, netijide ximiyiwi qorallarning térrorchilarning qoligha chüshüp kétidighanliqini, buning xelqqe qarshi we hetta amérika eskerlirige qarshi ishlitilidighanliqini eskertti.

Obama sözide, herbiy heriketning peqetla esedning ikkinchilep ximiyiwi qoral ishlitishining aldini élish üchün ikenlikini, uning hergizmu amérikining iraq we afghanistandikige oxshash uzun'gha sozulghan bir urushqa aylanmaydighanliqini, amérika xelqining emdi bashqa bir urushning ichige kirip qélishni xalimaydighanliqini bilidighanliqini alahide tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet