B d t süriyede ximiyiwi qoral ishlitilgenliki heqqidiki tekshürüsh doklatini élan qildi

Muxbirimiz erkin
2013-09-16
Share

B d t tekshürüsh doklati élan qilip, süriyede ximiyiwi qoral ishlitilgenliki heqqide "Ochuq we ishenchlik pakitla" gha érishkenlikini bildürdi.

Tekshürüsh doklatida ilgiri sürüshiche, muhit, ximiyiwi we tébbiy örneklerdin qarighanda 21‏-awghust küni demeshqning guta rayonigha étilghan rakétalargha zeherlik sarén gazi orunlashturulghan. Shu qétimqi hujumda 1400 din artuq kishi zeherlinip ölgen idi. Biraq doklatta, zeherlik gazni kimning ishletkenliki tilgha élin'ghan-élinmighanliqi melum emes. Chünki doklatning toluq tékisti téxi élan qilinmidi.

Xewerlerge qarighanda, tekshürgüchi xadimlar, ulardin peqet zeherlik gaz ishletken-ishletmigenlikini tekshürüp éniqlash telep qilin'ghanliqi, zeherlik gazni kimning ishletkenlikini éniqlap chiqish telep qilinmighanliqini bildürgen. Obama hökümiti zeherlik gazni es'ed hökümitige qarashliq küchlerning atqanliqini élan qilip, qolida küchlük delil barliqini bildürgen idi. Biraq esed hökümiti zeherlik gaz ishletkenlikini ret qilip, jawabkarliqni isyanchi küchlerge artqan.

Düshenbe küni, firansiye prézidénti xollandé, amérika dölet ishliri ministiri jon kerriy we en'gliye tashqi ishlar ministiri willi'am xéyg bilen körüshkende süriyeni kashila peyda qilmasliqqa agahlandurup, b d t süriyediki ximiyiwi qorallarni yighiliwélish heqqide üzül-késil we éniq waqit jedwili belgilishi kéreklikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet