Isra'iliye taratquliri eger besher esed telep qilsa xitayning süriyege esker ewetish éhtimalliqini ilgiri sürmekte

Muxbirimiz qutlan
2015.09.28

“Isra'il waqti” gézitining bügünki sanida “Eger besher esed telep qilsa junggo hökümiti süriyege esker ewetidu” serlewhilik maqale élan qilin'ghan.

Xewerde erebche chiqidighan “Hazirqi süriye” torida yéqinda élan qilin'ghan bir maqale neqil keltürülüp, 3500 Uyghur jihadchining süriyediki jisr-el shagor kenti etrapida urushqa qatnishiwatqanliqi tilgha élin'ghan.

Xewerde mundaq déyilgen: “Bu kentni yéqinda besher esed armiyisi qayturuwaldi, emma türkistan islam partiyesi qomandanliqidiki Uyghur jihadchiliri bu etrapni baza qilip urushqa qatnashmaqta. Ular türkiye istighbaratining yoshurunche qollishi arqisida saxta pasport bilen junggodin süriyege qéchip kelgen Uyghur jihadchiliridur.”

Xewerde yene munular tekitlen'gen: “ Mesile eger junggoning igilik hoquqi, zémin pütünlüki hemde hakimiyetning mewjutluqi qatarliq yadroluq menpe'etke taqalsa, junggo üchün heriket qollinish qiyin emes. Gerche besher esed hakimiyiti nöwette süriyening aran üchtin bir térritoriyesini kontrol qilip turghan bolsimu, lékin u yenila b d t étirap qilghan süriyening qanunluq hökümitidur. Egerde besher esed telep qilsa junggo we rusiye qatarliq döletler süriyege qoshun kirgüzidu.”

Közetküchiler, isra'iliye gézitide élan qilin'ghan mezkur xewerning xitay taratqulirida keng orun alghan mushu türdiki xewerler bilen héchqandaq perqi yoqluqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.