B d t kishilik hoquq komissari süriye prézidénti besher esadni urush jinayetchisi dep élan qildi

Muxbirimiz shöhret hoshur
2013-12-02
Share

B d t ning kishilik hoquq aliy komissari nawi pilay, b d t mutexessislirining tekshürüsh doklatlirigha asasen süriye prézidénti beshar esadning urush jinayiti sadir qilghanliqini élan qildi.

B b s ning bügünki bu heqtiki xewiride bayan qilinishiche, b d t mutexessisliri besher esad bilen birlikte yene süriye hökümitide nöwette yuqiri derijide wezipe ötewatqan bir türküm kishilerni urush jinayetchiliri tizimlikige kirgüzgen. Emma nawi pilay tizimliktikilerdin peqet bir kishiningla yeni besher esadningla ismini ashkarilighan.

Nawi pilay bu heqtiki sözide tizimliktikilerning urush jinayiti sadir qilghanliqi heqqide qolida köpligen pakitlar barliqini bayan qilghan we buning misalliridin biri süpitide, süriye armiyisining isyanchilargha qarshi heriket dawamida ahaliler olturaqlashqan rayonlarni qara-qoyuq bombardiman qilghanliqini tilgha alghan.

Nawi play yene, süriyege alaqidar urush jinayetchiliri tizimlikini xelq'ara sot yaki birer döletlik sot telep qilghan ehwalda sunidighanliqini؛ emma ularning jinayi qilmishliri resmiy qanun organlirining tekshürüsh we testiqidin ötmigiche tizimlikni ashkarilimaydighanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet