Сүрийә тинчлиқ келишими күчкә игә қилинди

Мухбиримиз җүмә
2016-02-27
Елхәт
Пикир
Share
Принт

Америка, русийә, сүрийә вә сүрийәдики қозғилаңчилар қатарлиқ тәрәпләр арисида һасил қилинған «өз - ара дүшмәнликни тохтитиш» намлиқ тинчлиқ келишими дәмәшқ вақти җүмә күни йерим кечидин башлап күчкә игә қилинди.

Келишим бойичә, сүрийәдики һөкүмәт вә һөкүмәткә қариши күчләр арисида уруш вақитлиқ тохтитилидиған болуп, бу келишим, ислам дөлити - «даиш», әлқайда вә униңға тәвә болған террорчи тәшкилатларни өз ичигә алмайдикән.

Бу һәқтә тохталған б д т алаһидә әлчиси стафан де мистура җәнвәдә мундақ дегән: «туюқсиз дәмәшқ вә дара тәрәп пәскойға чүшти.»

Лондонға җайлашқан «сүрийәдики кишилик һоқуқни көзитиш» намлиқ тәшкилат сүрийәдики чоң шәһәрләрниң нөвәттә тинчиғанлиқини билдүргән.

Һалбуки, б д т әлчиси мистура сүрийәдә тинчлиқниң бир кечидила әмәлгә ешишиниң унчә асан иш әмәсликини, яки ундақ яки бундақ оңушсизлиқларниң болуп қелиш еһтималлиқи мәвҗутлуқни қошумчә қилған.

Җүмә күни әтигән б д т хәвпсизлик кеңишидә биләт ташлинип, сүрийә тинчлиқ келишими қоллашқа еришкән вә келишимгә алақидар тәрәпләр келишимдики маддиларға һөрмәт қилишқа чақирилған.

Б д т әлчиси мистураниң ейтишичә, шәнбә күни җәнвәдә йәнә бир йиғин чақирилип, сүрийәдики тәрәпләрниң келишимни иҗра қилиш әһвали баһалап чиқилидикән.

Сүрийәдә 4 йилдин буян давам қиливатқан ички уруш 250 миң адәмниң җениға замин болғандин башқа йәнә, нәччә милйон адәмниң мусапир болуп кетишини кәлтүрүп чиқарған иди.

Пикирләр (0)
Share
Толуқ бәт