Süriye tinchliq kélishimi küchke ige qilindi

Muxbirimiz jüme
2016-02-27
Share

Amérika, rusiye, süriye we süriyediki qozghilangchilar qatarliq terepler arisida hasil qilin'ghan "Öz - ara düshmenlikni toxtitish" namliq tinchliq kélishimi demeshq waqti jüme küni yérim kéchidin bashlap küchke ige qilindi.

Kélishim boyiche, süriyediki hökümet we hökümetke qarishi küchler arisida urush waqitliq toxtitilidighan bolup, bu kélishim, islam döliti - "Da'ish", elqayda we uninggha tewe bolghan térrorchi teshkilatlarni öz ichige almaydiken.

Bu heqte toxtalghan b d t alahide elchisi stafan dé mistura jenwede mundaq dégen: "Tuyuqsiz demeshq we dara terep peskoygha chüshti."

London'gha jaylashqan "Süriyediki kishilik hoquqni közitish" namliq teshkilat süriyediki chong sheherlerning nöwette tinchighanliqini bildürgen.

Halbuki, b d t elchisi mistura süriyede tinchliqning bir kéchidila emelge éshishining unche asan ish emeslikini, yaki undaq yaki bundaq ongushsizliqlarning bolup qélish éhtimalliqi mewjutluqni qoshumche qilghan.

Jüme küni etigen b d t xewpsizlik kéngishide bilet tashlinip, süriye tinchliq kélishimi qollashqa érishken we kélishimge alaqidar terepler kélishimdiki maddilargha hörmet qilishqa chaqirilghan.

B d t elchisi misturaning éytishiche, shenbe küni jenwede yene bir yighin chaqirilip, süriyediki tereplerning kélishimni ijra qilish ehwali bahalap chiqilidiken.

Süriyede 4 yildin buyan dawam qiliwatqan ichki urush 250 ming ademning jénigha zamin bolghandin bashqa yene, nechche milyon ademning musapir bolup kétishini keltürüp chiqarghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet