Süriyediki öktichi küchler arisida öz'ara qoralliq toqunush yüz berdi

Muxbirimiz erkin
2013-09-20
Share

Süriyede esed hökümitige qarshi urush qiliwatqan öktichiler sépidiki islami küchler bilen démokratik küchler arisidiki ixtilap partlap chiqti.

Aldinqi küni isilamchilarning sham islam dölitige qarashliq qoralliq küchler bilen, démokratchilarning erkin süriye armiyisige qarashliq küchler otturisida qoralliq toqunush partlap, islamiy küchler erkin süriye armiyisi kontrolluqidiki azaz shehirini tartiwalghan.

Jüme küni, démokratik küchlerning süriye öktichiler memliketlik birleshmisi islamiy küchlerni tenqid qildi.

Mezkur organ, uning herikiti süriye inqilabi we uning emelge ashurmaqchi bolghan prinsipigha xilap ikenlikini bildürgen.

Biraq, firansiye axbarat agéntliqining ilgiri sürüshiche, sham islam döliti bilen erkin süriye armiyisi otturisidiki ixtilap peqetla kontrolluq mesilisi emes, belki yene köz qarash jehettiki perq iken.

Erkin süriye armiyisi süriyede démokratik dölet qurush üchün urush qilip kelgen. Lékin, "Sham islam döliti" özige sheri'et bilen bashqurulidighan islamiy dölet qurushni nishan qilghan.

Islami küchler qoralliq öktichiler sépidiki jenggiwar küchler bolsimu, biraq gherb "Sham islam döliti" we "El‏-nusra" qatarliq küchlerning el-qa'ide térrorluq guruhi bilen alaqisi barliqini ilgiri sürüp, öktichilerni bezi ejellik qorallar teminleshke ikkilinip kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet