Xitay rusiyening süriyediki bombardimanigha qatnishishi mumkin

Muxbirimiz irade
2015.10.08
Share on WhatsApp
Share on WhatsApp

Rusiyening süriyediki bombardimanigha xitay armiyisiningmu qatnishidighanliqi xewer qilinmaqta. Bu heqte ékispres gézitide élan qilin'ghan xewerde éytilishiche, rusiye metbu'atliri rusiyening tashqi ishlargha mes'ul emeldari igor morozofning sözini neqil qilip turup, xitayning küreshchi ayropilanliri we bir toshughuchi paraxotining alliqachan süriyege yürüp ketkenlikini bildürgen.

Xitay tashqi ishlar ministirliqi bu heqtiki bayanatida buninggha éniq jawab bermigen, emma “Térrorchilargha qarshi küresh qilish hemmimizning ortaq burchi” dégen.

Gézittiki xewerde, xitayning néfit turubiliri bixeterlikining islam döliti teshkilatining tehditige uchrawatqanliqi, bolupmu ötken yili éshit millitanliri rehbiri abu el baghdadi xitayni Uyghur musulmanlirigha qiliwatqan zulumi tüpeyli tehdit qilghandin kéyin xitayning bu heqtiki endishilirining kücheygenliki tilgha élin'ghan.

Xitayning tashqi ishlar ministiri wang yi birleshken döletler teshkilatining xewpsizlik yighinidimu süriyediki urushqa qarap turushqa bolmaydighanliqini tekitligen idi. Biraq, rusiye süriyediki bombardimanlirining “Islam döliti teshkilati” térrorchilirini nishan qilghanliqini ilgiri sürsimu, emma amérika we en'gliye qatarliq döletler rusiyening emeliyette esedke qarshi öktichi küchlerge zerbe bériwatqanliqini bildürmekte. Rusiye küreshchi ayropilanlirining aldinqi küni yene türkiye hawa térritoriyesige bösüp kirishimu nato we amérikining tenqidige uchridi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.