Amérika süriyediki mötidil küchlerni qollashni waqitliq toxtatmaqchi


2015.10.10
Share on WhatsApp
Share on WhatsApp

Amérika hökümet xadimliri jüme küni bayanat bérip, süriyediki hökümetke qarshi qoralliq küchlerni terbiyilesh we qoral bilen teminleshni Waqitliq Toxtitidighanliqini bildürdi.

Bu heqte toxtalghan amérika dölet mudapi'e ministirlikining mudapi'e siyasitige mes'ul mu'awin ministiri Kiristin Wormut: “Biz herikitimizni bir mezgil toxtatmaqchi” dédi.

Jüme küni amérika dölet mudapi'e ministiri Ashton Kartérmu londonda amérika süriye öktichilirini terbiyilesh programmisigha sadiq bolsimu, emma bu programmini téximu yaxshilash yollirini izdewatqanliqini ashkarilighan.

Melum bolushiche, amérikining yuqiriqi qarari süriyede hökümetke we islam dölitige qarishi jeng qiliwatqan qoralliq küchlerge bérilidighan herbiy yardemliride négizlik özgirish peyda qilidiken.

Amérika süriyede 4 yildin buyan dawam qiliwatqan ichki urushta hökümet we islam dölitige qarshi mötidil qoralliq küchlerni qollighan hemde ularni terbiyilesh we ulargha herbiy eslihe yardem bérish üchün 500 milyon dollar ajritidighanliqini bildürgen.

Wormut Xanimning éytishiche, yuqiri qararidin kéyin mötidil küchlerge bérilidighan herbiy esliheler addiylashturulidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet