Җон керрий хитайни сүрийә мәсилисини һәл қилишта иҗабий рол ойнашқа чақирди

Мухбиримиз ирадә
2013-09-19
Share

Америка дөләт ишлири министири җон керрий пәйшәнбә күни хитайни сүрийиниң химийиви қораллирини йоқитиш мәсилисидә иҗабий рол ойнашқа чақирди.

У хитай билән америкиниң сүрийидики химийиви қораллар мәсилисидики көз қаришиниң интайин пәрқлиқ икәнликини билдүргән, әмма у шундақтиму хитайниң б д т да сүрийидики химийиви қоралларни йоқитиш авазға қоюлғанда маслишишчан вә иҗабий болушини үмид қилидиғанлиқини ейтқан.

Хитай русийә билән бирликтә изчил һалда хәвпсизлик кеңишидә сүрийә һөкүмитигә қарши һәрбий һәрикәт қоллинишқа қарши чиқип кәлгән. Шундақла хитай йәнә русийә оттуриға қойған сүрийә пиланини қоллимақта. Нөвәттә хәвпсизлик кеңиши сүрийидики химийиви қоралларни қандақ бир тәрәп қилиш, қачан бир тәрәп қилишқа охшаш мәсилиләр үстидә ениқ бир вақит җәдвили бәлгиләп чиқишқа тиришмақта. Америка, фирансийә, әнгилийәләр бекитилидиған қарарға, әгәр әсәд химийиви қоралларни йоқатмиса, һәрбий һәрикәт қоллиниш маддисини киргүзүшни тәләп қилмақта, әмма русийә вә хитай бу маддини киргүзүшкә қарши.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт