Jon kérriy xitayni süriye mesilisini hel qilishta ijabiy rol oynashqa chaqirdi

Muxbirimiz irade
2013-09-19
Share

Amérika dölet ishliri ministiri jon kérriy peyshenbe küni xitayni süriyining ximiyiwi qorallirini yoqitish mesiliside ijabiy rol oynashqa chaqirdi.

U xitay bilen amérikining süriyidiki ximiyiwi qorallar mesilisidiki köz qarishining intayin perqliq ikenlikini bildürgen, emma u shundaqtimu xitayning b d t da süriyidiki ximiyiwi qorallarni yoqitish awazgha qoyulghanda maslishishchan we ijabiy bolushini ümid qilidighanliqini éytqan.

Xitay rusiye bilen birlikte izchil halda xewpsizlik kéngishide süriye hökümitige qarshi herbiy heriket qollinishqa qarshi chiqip kelgen. Shundaqla xitay yene rusiye otturigha qoyghan süriye pilanini qollimaqta. Nöwette xewpsizlik kéngishi süriyidiki ximiyiwi qorallarni qandaq bir terep qilish, qachan bir terep qilishqa oxshash mesililer üstide éniq bir waqit jedwili belgilep chiqishqa tirishmaqta. Amérika, firansiye, en'giliyeler békitilidighan qarargha, eger esed ximiyiwi qorallarni yoqatmisa, herbiy heriket qollinish maddisini kirgüzüshni telep qilmaqta, emma rusiye we xitay bu maddini kirgüzüshke qarshi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet