Süt parashoki mesilisi xitayning ikki yighini mezgilide qayta axbarat témisigha aylandi

Muxbirimiz shöhret hoshur
2013-03-04
Élxet
Pikir
Share
Print

Jüme künidin étibaren xongkongda süt parashoki cheklimisi yolgha qoyulghan bolup, shuningdin kéyin süt parashoki mesilisi xitay chong quruqluqidiki istémalchilar arisida endishe peyda qilghan hem ikki yighinda muxbirliq qiliwatqan axbaratchilarning diqqet nuqtisigha aylan'ghan.

Melum bolushiche, nöwette xongkongda kishilerning yénida 1 kilo 800 gram yeni ikki qutidin artuq süt parashokini kötürüp yürüshige yol qoyulmaydu, xilapliq qilghuchilargha 500 ming som jerimane qoyulup, ikki yil muddetlik qamaq jazasi bérilidu.

Tüzümning mana mushundaq qattiq bolushigha qarimay xongkong tamozhnisi, jüme küni mezkur tüzümge xilapliq qilghan 45 kishini tutqan. Bügün chet'el muxbirliri xitayning süt parashoki mesilisi heqqide siyasiy kéngesh yighin bayanatchisidin so'al sorighan. Yighin bayanatchisi, xitayning süt parashoki mehsulatlirining 99% ishenchlik ikenlikini éytqan.

Bu heqte muxbirlarning ziyaritini qobul qilghan merkizi téléwiziye istansisining dangliq riyasetchisi süy yungyüen siyasiy kéngesh yighin bayanatchisining sözlirini ret qilip, özining xitay chong quruqluqidiki süt parashoklirining süpet ölchimige ishenmeydighanliqini éytqan. Nöwette bir qisim xitay we xelq'ara axbarat wasitiliride xitaydiki süt parashoki mesilisining yiltizi mulahize we munazire qilinmaqta.

Toluq bet