Тәйвәндә гоминдаң партийәсиниң мәғлубийити инкас қозғимақта

Мухбиримиз үмидвар
2014-11-30
Елхәт
Пикир
Share
Принт


Шәнбә күни тәйвәндики һәр қайси наһийә - шәһәрләрниң башлиқлирини сайлашта һакимийәттики партийә гоминдаң зор мәғлубийәткә учриғандин кейин, тәйвән - чоң қуруқлуқ мунасивәтлири көзәткүчилири тәйвән билән чоң қуруқлуқниң кәлгүси мунасивәтлиригә қарита түрлүк инкасларда болмақта.

Шәнбә күнидики сайлам нәтиҗисидә 22 наһийә вә шәһәрниң башлиқлирини сайлашта гоминдаң аран 6 орунға, әмма тәйвән мустәқиллиқ идийисигә игә минҗиңдаң болса 13 орунға еришкән иди. Әнглийә б б с агентлиқиниң хәвәр қилишичә, әнглийә мәтбуатлири бу мәсилидә тушму - туштин анализ елан қиливатқан болуп,«иқтисадшунас»ториниң мақалисидә, буниң җаң кәйши тәйвәнгә орунлашқандин буян гоминдаңниң әң чоң мәғлубийити икәнлики, бу мәғлубийәтниң ма йиңҗуғила зәрбә болмастин, бәлки хитай һөкүмитиниңму әндишини ашурғанлиқи оттуриға қоюлған.

«Гвардиян»ниң мақалисидә гоминдаңниң мәғлубийитиниң тәйвән билән хитай чоң қуруқлуқи арисида 6 йилдин буян давамлишиватқан сөһбәткә зәрбә болидиғанлиқи көрситилгән.

Гоминдаң, минҗиндаң, йәни демократик илғарлиқ партийәси үстидин ғәлибә қилип, һакимийәтни қолға алғандин буян бейҗиң билән болған алақилирини қәдәмму - қәдәм қоюқлаштуриватқан вә тәйвән мустәқиллиқи ибарилири азлиған иди. Икки тәрәп арисида 20 дин артуқ келишим һасил қилинған.

2016 - Йили, тәйвәндә президент сайлими болиду, һазир бу сайламда минҗиңдаңниң ғәлибә қилиш еһтималлиқи оттуриға чиққан.

Пикирләр (0)
Share
Толуқ бәт