Teywende gomindang partiyesining meghlubiyiti inkas qozghimaqta

Muxbirimiz ümidwar
2014-11-30
Share


Shenbe küni teywendiki her qaysi nahiye - sheherlerning bashliqlirini saylashta hakimiyettiki partiye gomindang zor meghlubiyetke uchrighandin kéyin, teywen - chong quruqluq munasiwetliri közetküchiliri teywen bilen chong quruqluqning kelgüsi munasiwetlirige qarita türlük inkaslarda bolmaqta.

Shenbe künidiki saylam netijiside 22 nahiye we sheherning bashliqlirini saylashta gomindang aran 6 orun'gha, emma teywen musteqilliq idiyisige ige minjingdang bolsa 13 orun'gha érishken idi. En'gliye b b s agéntliqining xewer qilishiche, en'gliye metbu'atliri bu mesilide tushmu - tushtin analiz élan qiliwatqan bolup,"Iqtisadshunas"torining maqaliside, buning jang keyshi teywen'ge orunlashqandin buyan gomindangning eng chong meghlubiyiti ikenliki, bu meghlubiyetning ma yingjughila zerbe bolmastin, belki xitay hökümitiningmu endishini ashurghanliqi otturigha qoyulghan.

"Gwardiyan"ning maqaliside gomindangning meghlubiyitining teywen bilen xitay chong quruqluqi arisida 6 yildin buyan dawamlishiwatqan söhbetke zerbe bolidighanliqi körsitilgen.

Gomindang, minjindang, yeni démokratik ilgharliq partiyesi üstidin ghelibe qilip, hakimiyetni qolgha alghandin buyan béyjing bilen bolghan alaqilirini qedemmu - qedem qoyuqlashturiwatqan we teywen musteqilliqi ibariliri azlighan idi. Ikki terep arisida 20 din artuq kélishim hasil qilin'ghan.

2016 - Yili, teywende prézidént saylimi bolidu, hazir bu saylamda minjingdangning ghelibe qilish éhtimalliqi otturigha chiqqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet