Teywen da'irilirining rabiye qadir xanim qatarliqlarni wiza iltimas qilmasliqqa dewet qilghanliqi melum

Muxbirimiz jüme
2016-02-21
Élxet
Pikir
Share
Print

Teywende échiliwatqan "Asiya - tinch okyan diniy erkinlik munbiri" yighinini teshkilligüchilerning ashkarilishiche, teywen da'iriliri xitayning chishigha tégip qoymasliq üchün dunya Uyghur qurultiyi re'isi rabiye qadir xanim we tibet sürgünde hökümiti bash ministiri lobsang sanggaylarni wiza iltimas qilmasliqqa dewet qilghan iken.

"Los anjélés waqit géziti" ning xewer qilishiche, mezkur yighinni teshkilligüchilerdin amérikidiki "Xitaygha yardem jem'iyiti" ning re'isi bob fu yuqiri uchurlarni ashkarilighan. Uning éytishiche, ötken yili dékabirda teywen hökümiti yuqiriqi ikki siyasiy zatni wiza iltimas qilmasliqqa maqul keltürgen.

Bob fu yighinning échilish murasimida mundaq dégen: "Xitayning diniy erkinlik mesilisi üstide söz échilghanda, Uyghur we tibet milletliri tilghan élinmaydiken, undaqta bu diniy erkinlik heqqidiki munazire chala bolup qalidu."

Xewerde körsitishiche, bu heqtiki so'allargha duch kelgen teywen tashqi ishlar ministirliqi we köchmenler idarisi bu ishtin xewiri yoqluqini bildürgen.

Bu heqte ziyaritimizni qobul qilghan rabiye qadir rabiye xanim mezkur yighin'gha qatnishalmighanliqidin epsuslan'ghan bolsimu, özining teywen'ge kirgüzülmigenlikining sewebini xitaydin köridighanliqini bildürgen.

Bu qétim teywen'ge kirish wiza iltimas ret qilin'ghanlarning ichide dunya Uyghur qurultiyi ijra'iye komitéti re'isi dolqun eysamu bar idi.

Melum bolushiche, mezkur yighin'gha 26 dölettin 99 kishi kélip qatnashqan.

Toluq bet