Тәйвән президенти сәй йиңвен хитайниң бесимиға тақабил туруш үчүн башқа әлләр билән болған мунасивәтни күчәйтидиғанлиқини билдүргән

Мухбиримиз қутлан
2016-10-02
Елхәт
Пикир
Share
Принт


Тәйвән президенти сәй йиңвен 29 - сентәбир кәчқурун «демократийәни илгири сүрүш партийәси» дикиләргә мәктуп йоллап, хитайниң күндин - күнгә ешип бериватқан бесимиға тақабил туруш үчүн башқа әлләр билән болған мунасивәтни күчәйтидиғанлиқини билдүргән.

Б б с ниң бу һәқтики хәвиригә қариғанда, сәй йиңвен очуқ мәктупта интайин қаттиқ аһаң билән мундақ дегән: «биз өзимизниң бәзи қиммәт қарашлиримизда чоқум чиң турушимиз керәк. Җуңго чоң қуруқлиқидин келиватқан сиясий бесим вә уларға болған иқтисадий җәһәттики беқинип қелиштин қутулуш үчүн, тәйвән өзиниң сағлам вә нормал болған иқтисадий мунасивәт системисини бәрпа қилиши керәк!»

У йәнә мунуларни тәкитлигән: «қийинчилиқ ичидә тиркишиватқан тәйвәндә хәлқ һазир җасарәтлик вә иқтидарлиқ бир рәһбәргә муһтаҗ болмақта. Тәйвән хәлқи мениң бүгүнки қийин вәзийәткә қандақ тақабил туруп, дөләтни йетәкләп батурларчә алға қарап меңишимни күтмәктә. Мана бу мениң мәсулийитим!»

Мәлумки, тәйвәндики «демократийәни илгири сүрүш партийәси» ниң қурулғиниға бу йил 30 йил толған болуп, сәй йиңвен президент болуп сайланғандин буян тәйвәндә күндин - күнгә күчийип бериватқан мустәқиллиқ хаһишиға нисбәтән хитай чоң қуруқлиқидин келиватқан бесим һәссиләп ашмақтикән.

Пикирләр (0)
Share
Толуқ бәт