Өткән йили русийәдин 862 нәпәр таҗикистанлиқниң җәсити елип келингән

Мухбиримиз үмидвар
2015-01-19
Share


2014 - Йили русийәдин 862 нәпәр таҗикистанлиқ җәсити вәтинигә тошуп келингән болуп, таҗикистан даирилири бу кишиләрниң өлүш сәвәблириниң өлтүрүлүш, кесәллик вә һадисәләрдин келип чиққанлиқини бекиткән.

Таҗикистанниң "асия плус"агентлиқиниң йезишичә, 2013 - йили русийәдин 1006 нәпәр таҗикистанлиқниң җәсити елип келингән болуп, өткән йили бундақ әһвал азлиған.

Таҗикистан даирилириниң һесаблишичә, 2014 - йили таҗикистандин 834 миң адәм сиртқа кәткән болуп, буниң 670 миңи русийәгә, 7 400 дин артуқ адәм қазақистанға кәткән. Бир йил ичидә 606 миң адәм қайтип кәлгән. Русийә даирилири 2014 - йили декабирда русийәдә 1милйон 52миң таҗикистанлиқ барлиқини һесаблиған.

Һазир таҗикистан, өзбекистан вә қирғизистан әмгәк көчмәнлири әң коп баридиған җай русийә болуп, русийә мәзкур дөләт пуқралириниң ишләп пул тапидиған бирдин бир җайиға айланған. Бу җәрянда улар түрлүк қийинчилиқларға, һәтта милләтчи - ирқичиларниң җисманий һуҗумлириға учрайдикән. Нөвәттә, русийәдә туриватқан өзбекистанлиқ, таҗикистанлиқ вә қирғизистанлиқларни мәсилиси җиддий күн тәртиптә турмақта,

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт