Таҗикистан - русийә рәһбәрлири һәмкарлиқни күчәйтишкә пүтүшти

Мухбиримиз үмидвар
2013-08-04
Share

Таҗикистан билән русийә президентлири икки дөләт арисидики һәрбий һәмкарлиқларни күчәйтиш һәққидә пүтүшүм һасил қилди.

Таҗикистан президенти емам әли рахман 1 - авғуст күни москваға рәсмий зиярәт билән кәлгән болуп, у русийә президенти владмир путин билән өткүзгән сөһбәттә русийиниң таҗикистанда турушлуқ һәрбий базисини 2024 - йилиғичә узартиш һәққидики келишимниң бу йил күздә таҗикистан парламенти тәрипидин тәсқитлинидиғанлиқини билдүргән.

Русийиниң хәвәрләр агентлиқиниң ашкарилишчә, мәзкур база русийә билән таҗикистан қораллиқ күчлириниң бирликтә русийиниң вә таҗикистанниң мәнпәәтлирини қоғдиши үчүн хизмәт қилиду. Русийә таҗикистан армийисини қорал - ярақ, һәрбий техника вә башқилар билән тәминләйду. Русийә дөләт мудапиә министири сергей шойгу, 2015 - йилиғичә русийиниң таҗикистанни 150 - 200 милйон доллар қиммитидә һәрбий қораллар билән тәминләп, таҗикистан армийисини қайтидин қоралландуридиғанлиқини билдүргән. 2015 - 2020 - Йиллири тәминләйдиған һәрбий сомма техиму ашурилиду.

Рахманниң москвани зиярәт қилишида униң бу йилқи сайламда йәнә утуп чиқишида русийиниң қоллишиға еришишму мәқсәт қилинған дәп қаралмақта.

Икки рәһбәр йәнә икки дөләт арисидики террорчилиқ, зәһәрлик чекимлик әткәсчиликигә ортақ қарши туруш һәмдә таҗикистан көчмәнлириниң русийидики вәзийити мәсилисини муһакимә қилған. Әмма һәрбий һәмкарлиқ асаслиқ сөһбәт темисидур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт