Tajikistan - rusiye rehberliri hemkarliqni kücheytishke pütüshti

Muxbirimiz ümidwar
2013-08-04
Share

Tajikistan bilen rusiye prézidéntliri ikki dölet arisidiki herbiy hemkarliqlarni kücheytish heqqide pütüshüm hasil qildi.

Tajikistan prézidénti émam eli raxman 1 - awghust küni moskwagha resmiy ziyaret bilen kelgen bolup, u rusiye prézidénti wladmir putin bilen ötküzgen söhbette rusiyining tajikistanda turushluq herbiy bazisini 2024 - yilighiche uzartish heqqidiki kélishimning bu yil küzde tajikistan parlaménti teripidin tesqitlinidighanliqini bildürgen.

Rusiyining xewerler agéntliqining ashkarilishche, mezkur baza rusiye bilen tajikistan qoralliq küchlirining birlikte rusiyining we tajikistanning menpe'etlirini qoghdishi üchün xizmet qilidu. Rusiye tajikistan armiyisini qoral - yaraq, herbiy téxnika we bashqilar bilen teminleydu. Rusiye dölet mudapi'e ministiri sérgéy shoygu, 2015 - yilighiche rusiyining tajikistanni 150 - 200 milyon dollar qimmitide herbiy qorallar bilen teminlep, tajikistan armiyisini qaytidin qorallanduridighanliqini bildürgen. 2015 - 2020 - Yilliri teminleydighan herbiy somma téximu ashurilidu.

Raxmanning moskwani ziyaret qilishida uning bu yilqi saylamda yene utup chiqishida rusiyining qollishigha érishishmu meqset qilin'ghan dep qaralmaqta.

Ikki rehber yene ikki dölet arisidiki térrorchiliq, zeherlik chékimlik etkeschilikige ortaq qarshi turush hemde tajikistan köchmenlirining rusiyidiki weziyiti mesilisini muhakime qilghan. Emma herbiy hemkarliq asasliq söhbet témisidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet