Таҗикистан рогун су електр истансиси қурулушини башлиди

Мухбиримиз үмидвар
2016-11-13
Share

Таҗикистан рогун су електр истансиси қурулушини рәсмий башлиған. Мәзкур електр истансисиниң дамбиси, йәни, су тосмисиниң егизлики 335 метир келидиған болуп, бу, хитайниң "җинпиң-1"су електр истансиси дамбисидин 30 метир егиз һесаблинидикән. Бу қурулуш уйғур дияри тутишидиған памир егизликидики тағ җилғисидин еқип өтидиға вахш дәрясида ясилидикән.

Рогун су електр истансиси қурулуши пилани алди билән өзбекистанниң қаттиқ наразилиқи вә қаршилиқиға учриған болуп, чүнки өзбекистан тәрәп таҗикистанниң аму дәрясиниң баш қисмидики су мәнбәлирини боғуп, дамба ясаш арқилиқ өзбекистанниң су билән тәминлинишини қамал қилишидин әндишә қилған.

Б б с агентлиқиниң хәвәр қилишичә, көп йиллардин буян түрлүк талаш-тартишларни қозғап кәлгән рогун електр истансиси қурулуши өзбекистан президенти ислам кәримофниң өлүмидин кейин рәсмий башланған болуп, бу қурулуш үчүн 3 милярд 900 милйон доллар сәрп қилинидикән.

Өткән йили язда италийә ширкити "салинә империгло" мәзкур қурулушқа мәбләғ селиш салаһийитигә еришкән. Мәтбуат инкаслиридин мәлум болушичә, русийәму рогун електр истансиси қурулушини қоллиғучи дөләтләрниң биридур.

Әгәр мәзкур су електр истансиси қурулуши пүтсә, таҗикистан өзини електр енергийиси билән толуқ тәминлигәндин ташқири йәнә өз електр енергийилирини афғанистан вә пакистанға експорт қилиш имканийитигә игә болидикән. Мәлум болушичә, таҗикистанниң рогун су електр истансиси қурулуши пилани 40 йил илгири оттуриға чиққан болуп совет иттипақиниң йимирилиши вә таҗикистанниң иқтисади күчиниң аҗизлиқи билән әмәлгә ашмай кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт