Таҗикистан-хитай «җинайәтчи-гумандарларни алмаштуруш келишими» әндишә қозғиди

Мухбиримиз әркин
2015-05-22
Елхәт
Пикир
Share
Принт

Таҗикистан парламенти пәйшәнбә күни бирдәк аваз берип, таҗикистан-хитай оттурисида имзаланған җинайәтчи-гумандар қачқунларни өзара алмаштуруш келишимини тәстиқлиди.

Таҗикистан баш тәптиш әмәлдари йүсүп рахманов: «мәзкур келишим хитайда турушлуқ таҗикистан пуқралирини қоғдап, хитайда җазаға тартилған таҗикистан пуқралириниң җазасини өз дөлитидә өтәшкә имкан яритип бериду» дегән.

Бирақ бу келишим д у қ ниң дәрһал тәнқидигә учриди. Д у қ баянатчиси дилшат ришит, «бу келишим таҗикистанға қечип чиққан уйғур сиясий мусапирлириниң тутқун қилинип, хитайға өткүзүп берилишини қанунлаштуриду» деди.

Дилшат ришитниң илгири сүрүшичә, таҗикистан илгири бәзи уйғурларни хитайға қайтуруп берип хәлқара мусапирлар әһдинамиси вә алақидар қанунларға хилаплиқ қилған.

Таҗикистан вә оттура асиядики башқа 3 җумһурийәтниң уйғур мусапирлирини хитайға қайтуруп бериш мәсилиси хәлқара кишилик һоқуқ тәшкилатлириниң диққитини қозғап келиватқан мәсилә.

Таҗикистан, 2011‏-йили камал өмәроғли, әхмәт рәшид, аблимит давудоғли қатарлиқ 3 уйғурни хитайға қайтуруп бәргән.

Қирғизистан бу йил 1‏-айда чеградин қанунсиз өткән, дәп 33 кишини хитайға өткүзүп бәргән. Униңдин сирт қазақистан сиясий панаһлиқ тилигән бир қанчә уйғурни хитайға қайтуруп берип, хәлқара кишилик һоқуқ органлирини тәнқидигә учриған иди.

Пикирләр (0)
Share
Толуқ бәт