Tajikistan-xitay “Jinayetchi-gumandarlarni almashturush kélishimi” endishe qozghidi

Muxbirimiz erkin
2015.05.22
Share on WhatsApp
Share on WhatsApp

Tajikistan parlaménti peyshenbe küni birdek awaz bérip, tajikistan-xitay otturisida imzalan'ghan jinayetchi-gumandar qachqunlarni öz'ara almashturush kélishimini testiqlidi.

Tajikistan bash teptish emeldari yüsüp raxmanow: “Mezkur kélishim xitayda turushluq tajikistan puqralirini qoghdap, xitayda jazagha tartilghan tajikistan puqralirining jazasini öz dölitide öteshke imkan yaritip béridu” dégen.

Biraq bu kélishim d u q ning derhal tenqidige uchridi. D u q bayanatchisi dilshat rishit, “Bu kélishim tajikistan'gha qéchip chiqqan Uyghur siyasiy musapirlirining tutqun qilinip, xitaygha ötküzüp bérilishini qanunlashturidu” dédi.

Dilshat rishitning ilgiri sürüshiche, tajikistan ilgiri bezi Uyghurlarni xitaygha qayturup bérip xelq'ara musapirlar ehdinamisi we alaqidar qanunlargha xilapliq qilghan.

Tajikistan we ottura asiyadiki bashqa 3 jumhuriyetning Uyghur musapirlirini xitaygha qayturup bérish mesilisi xelq'ara kishilik hoquq teshkilatlirining diqqitini qozghap kéliwatqan mesile.

Tajikistan, 2011‏-yili kamal ömer'oghli, exmet reshid, ablimit dawud'oghli qatarliq 3 Uyghurni xitaygha qayturup bergen.

Qirghizistan bu yil 1‏-ayda chégradin qanunsiz ötken, dep 33 kishini xitaygha ötküzüp bergen. Uningdin sirt qazaqistan siyasiy panahliq tiligen bir qanche Uyghurni xitaygha qayturup bérip, xelq'ara kishilik hoquq organlirini tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet