Xitay tajikistan üchün chégra qarawulxanisi we herbiy meshiq orni yasap béridu

Muxbirimiz ümidwar
2016-09-27
Élxet
Pikir
Share
Print

Xitay bilen tajikistan hökümetliri tajikistan terepning afghanistan bilen bolghan chégrasini qoghdishini mustehkemlesh üchün kélishim tüzüshke hazirlan'ghan.

Azadliq radi'osining xewer qilishiche, mezkur kélishim layihisi tajikistan hökümiti teripidin békitilgen bolup, kélishim boyiche, xitay terep tajikistanning afghanistan bilen bolghan chégra nuqtisida töt chégra qarawulxanisi we meshiq orunlirigha ige herbiy meshiq qilish merkizi qurup béridiken. Bu yerge yene mexsus turalghu bina, memuriyet binasi we bashqilarnimu qurulidiken hem xitay terep bu orunlarni esliheler bilen teminleydiken.

Mezkur qurulush layihilirini ishlep chiqishni xitay mutexessisliri zimmisige alidiken.

Tajikistan terep bolsa xitay mutexessislirining bixeterlikini qoghdash we bashqilargha mes'ul bolidiken.

Xewerde déyilishiche, xitay terep qurulushqa munasiwetlik barliq baj, tamozhna béji we bashqa chiqimlardin xali qilinidiken.

Inkaslardin melum bolushiche, tajikistan, afghanistan we Uyghur diyari tutishidighan pamir rayoni xitay üchün eng sezgür rayon hésablinidu.

Perghane uchur toridiki xewerlerde körsitilishiche, nöwette, xitay tajikistanning asasliq iqtisadiy meblegh salghuchi shérikige aylan'ghan bolup, tajikistan xitaygha köp miqdarda qerzge boghulghan, tajikistanning omumiy qerz miqdari bir milyard dollardin artuq iken.

Xitay nöwette tajikistanning éléktr istansiliri qurulushi we bashqa xéli kop qurulush sahesige meblegh salghan we bir qisim zawut-fabrikilarni qurushqa kirishken.

Tajikistan uchur wasitiliridin melum bolushiche, béyjing tajikistan'gha 2018-yilighiche 6 milyard dollar meblegh ajritidighan bolup, buning köp qismi Uyghur rayoni bilen merkizi asiyani tutashturidighan merkizi asiya-xitay tebi'iy gaz turuba liniyisining tajikistandiki 400 kilométirliq qismini yashqa ishlitilidiken.

Toluq bet