Tajikistan bilen xitay térrorluqqa qarshi turush manéwiri ötküzmekte

Muxbirimiz irade
2016.10.20
Share on WhatsApp
Share on WhatsApp

20-Öktebir küni tajikistan bilen xitay “Térrorluqqa qarshi turush” herbiy manéwirini bashlighan. Firansiye agéntliqining éytishiche, 24-öktebirgiche dawam qilidighan bu manéwir tajikistanning afghanistan bilen chégrilinidighan jaylirida élip bériliwatqan bolup, uninggha her ikki tereptin jem'iy 10 minggha yéqin herbiy xadim ishtirak qilidiken.

Firansiye agéntliqi xewiride, Uyghur éli bilen chégrilinidighan tajikistanning bixeterlikining xitay üchün muhim bolup qalghanliqini, shunga xitayning ötken yilidin bashlap tajikistan, pakistan we afghanistanlar bilen térrorluqqa ortaq qarshi turush heqqide kélishim imzalighanliqini bayan qilghan.

Tajikistan da'irilirining éytishiche, xitay tajikistanning afghanistan bilen bolghan 1300 kilométirliq chégrasidiki bixeterlikini kücheytish asasiy qurulushighimu meblegh sélishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.