Tajikistan köp sanda xitay ishchilirini qobul qilidu

Muxbirimiz ümidwar
2018-01-28
Élxet
Pikir
Share
Print

Xitay bilen tajikistan arisidiki meblegh sélish kélishimlirige asasen tajikistan hökümiti xitaydin yene 2 ming 400 ishchi qobul qilidighanliqini élan qilghan bolup, ötken yili 6-ayda tajikistan terep asasliqi xitaydin bolup, ikki minggha yéqin chet'el ishchisini qobul qilidighanliqini bildürgen idi.

Azadliq radi'osining xewer qilishiche, xitaydin kélidighan bu ishchilar türkmenistan-xitay tebi'iy gaz turuba liniyisining tajikistandin ötidighan 400 kilométirliq qismini qurush üchün ishleydiken.

Xewerde ilgiri sürülüshiche, hazir xitay tajikistandiki asasliq meblegh salghuchi dölet bolup, türkmenistan-xitay tebi'iy gaz turuba liniyisining tajikistan qismi üchün xitay tajikistan'gha 3 milyard dollar meblegh sélishqa wede bergen idi. Tajikistan terep mezkur turuba qurulushining özlirige zor iqtisadiy payda élip kélidighanliqi we köp sandiki tajikistanliqlargha ish pursiti yaritidighanliqidin memnun bolushqan. Emma, xitayning tajikistan'gha zor meblegh sélishi we öz ishchilirini özliri qurghan zawut-kanlar we qurulushlarda ishlitishi tajikistanliqlarda naraziliqlarni keltürüp chiqarmaqta. Azadliq radi'osigha öz pikrini bildürgen tajikistanliq iqtisadshunas sodiqjan nosirofning éytishiche, xitay tajikistanning altun, kümüsh we bashqa yer asti qimmetlik métallirini qézish bilen shughullanmaqta. Bu dölettiki xitay shirketliri xitay tajikistan'gha salghan mebleghlerge xitay téxnika üsküniliri we matériyallirini sétiwalmaqta. Xitay meblighidiki turuba yoli qurulushi, zawut-kan we bashqilarda asasliq ishlarni xitay téxnikliri we ishchiliri orundimaqta. Xitay tajikistan'gha salghan mebleghlerning köp qismini yenila xitaygha qaytip kétiwatqan bolup, bular tajikistanning qerzi bolup, tajikistan uni yuqiri pirsent bilen tölishi kérek iken.
Perghane uchur agéntliqining xewiride éytilishiche, tajikistanda köp sanda xitay shirketliri ishlewatqan bolup, hetta Uyghur diyari bilen chégridash bedexshan aptonom oblastida, yeni pamir rayonida xitay shirkiti qimmetlik métallarni qazmaqta iken.

Toluq bet