Талибанлар әсирликтики бир америка әскирини қоюп бәрди

Мухбиримиз үмидвар
2014-06-01
Share


Талибанлар тәрипидин бәш йил әсирликтә тутуп турулған бир нәпәр америка әскири қоюп берилгән.

Америка авазиниң хәвәр қилишичә, америка армийисиниң серҗанти бове бергдаһл қатар һөкүмитиниң васитичилиқи билән тәрәпләрниң көп қетимлиқ сөзлишиш елип бериши нәтиҗисидә қоюп берилгән болуп, америка тәрәпму гуәнтанамода тутуп туриливатқан 5 тутқунни қоюп бәргән, мәзкур бәш нәпәр тутқунниң америкиниң бихәтәрликигә тәһдит әмәслики муәййәнләштүрүлгән вә уларниң бир йилғичә қатардин айрилмаслиқи бекитилгән.

Мәзкур әскәр қоюп берилгәндин кейин саламәтлик тәкшүрүшидин өткән болуп, саламәтлик әһвали яхши икән. Униң қоюп берилишдин кейин, президент обама униң ата - анисини ақ сарайда қобул қилған.

Президент обама қатар вә афғанистан дипломатлириниң көрсәткән тиришчанлиқиға рәһмитини билдүрди.

Америка әскири бове бергдаһл 2009 - йили, 6 - айда афғанистанда талибанларниң қолиға чүшүп қалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт