Talibanlar esirliktiki bir amérika eskirini qoyup berdi

Muxbirimiz ümidwar
2014-06-01
Share


Talibanlar teripidin besh yil esirlikte tutup turulghan bir neper amérika eskiri qoyup bérilgen.

Amérika awazining xewer qilishiche, amérika armiyisining sérjanti bowé bérgdahl qatar hökümitining wasitichiliqi bilen tereplerning köp qétimliq sözlishish élip bérishi netijiside qoyup bérilgen bolup, amérika terepmu gu'entanamoda tutup turiliwatqan 5 tutqunni qoyup bergen, mezkur besh neper tutqunning amérikining bixeterlikige tehdit emesliki mu'eyyenleshtürülgen we ularning bir yilghiche qatardin ayrilmasliqi békitilgen.

Mezkur esker qoyup bérilgendin kéyin salametlik tekshürüshidin ötken bolup, salametlik ehwali yaxshi iken. Uning qoyup bérilishdin kéyin, prézidént obama uning ata - anisini aq sarayda qobul qilghan.

Prézidént obama qatar we afghanistan diplomatlirining körsetken tirishchanliqigha rehmitini bildürdi.

Amérika eskiri bowé bérgdahl 2009 - yili, 6 - ayda afghanistanda talibanlarning qoligha chüshüp qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet