Хитай тәрәп талибанлар билән афғанистанниң кәлгүси һәққидә "үнүмлүк" сөһбәт елип барғанлиқини билдүргән

Мухбиримиз җәвлан
2021-08-25
Share

"америка бирләшмә агентлиқи" ниң хәвиригә қариғанда, хитай һөкүмити талибан вәкиллири билән хитайниң кабулдики әлчиханисида сөһбәтләшкән. Сөһбәттин кейин хитай һөкүмити талибан тәрәп билән "очуқ вә үнүмлүк" сөһбәтләшкәнлики һәмдә муһим мәсилиләр үстидә кеңәшкәнликини билдүргән.

Бу сөһбәттә, хитайниң афғанистанда турушлуқ баш әлчиси ваң йү билән талибан һөкүмәт ишханисиниң муавин мудири абдусалам һәнәфиниң немиләрни дейишкәнлики намәлум болсиму, хитай ташқий ишлар баянатчиси ваң венбиниң билдүрүшичә, хитай һөкүмити һазир талибанни икки дөләт оттурисидики муһим мәсилиләрни ортақ музакирә қилидиған һөкүмәт дәп тонуйдикән. Хитайниң кабулдики әлчиханиси һәр вақит очуқ болуп, талибан вәкиллири хитай тәрәп билән халиған чағда сөһбәт, музакирә елип барлайдикән.

Хитай ташқий ишлар баянатчиси ваң венбин 25-авғуст өткүзүлгән ахбарат елан қилиш йиғинида мундақ дегән: "биз афғанистанниң игилик һоқуқи вә земин пүтүнлүкигә һөрмәт қилимиз, афғанистанниң ичкий ишлириға арилашмаймиз, афғанистан билән инақ қошнидарчилиқ орнитимиз вә бу мунасивәтни тәрәққий қилдуримиз, афғанистанниң тинчлиқи вә қайта гүллиниши үчүн бәрпачилиқ рол ойнаймиз".

Талибан күчлири афғанистанда һакимийәт бешиға келиштин бурун, талибан рәһбири молла абдулғәни бурадәр алдинқи айда хитайни зиярәт қилип, хитай ташқий ишлар минситири ваң йи билән көрүшкәниди.

Анализчиларниң билдүрүшичә, афғанистанниң вәзийити техи толуқ муқимлашмиған әһвалда, хитай вәкиллири билән талибан оттурисидики сөһбәтниң бундақ қизип кетиши хитайниң бу районда тәсир күчи әң зор дөләткә айлиниш қара нийитини билдүридикән. Бу сөһбәтләрдә йәнә хитай билән талибанниң уйғурлар мәсилисидә қандақ шумлуқларни пиланлаватқанлиқи техи намәлум болсиму, талибанниң бу дөләттә қапсилип қалған уйғурларни козер қилип пайдилинидиғанлиқи вә нурғун мәнпәәтләр бәдилигә уларни аз-аздин хитайға өткүзүп беридиғанлиқи тәхмин қилинмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт