Талибан афғанистанда хитайға қарши уйғур қораллиқлириниң йоқлиқини илгири сүргән

Мухбиримиз әркин
2021-08-27
Share

Афғанистанда һакимийәтни тартивалған талибанларниң қатар пайтәхти доһадики сиясий ишханисиниң баянатчиси, афғанистанда хитайға қарши уйғур қораллиқлириниң йоқлиқини, шундақла уларниң афғанистанни база қилип хитайға қарши һәрикәт елип беришиға йол қоймайдиғанлиқини билдүргән.

Бу сөзләрни талибанларниң баянатчиси муһәммәт наим 26-авғуст японийәниң бир мухбириниң мәхсус екран зияритини қобул қилип, униң уйғурлар һәққидики суаллириға җавап бәргәндә ейтқан.

Японийә мухибири ‍уйғурларниң талибанларға охшашла мусулман икәнликини, талибанларниң хитайниң ууйғурларға қиливатқанлириға қандақ қарайдиғанлиқи, шундақла талибанниң уйғур гуруппилириниң афғанистандики һәрикәтлирини бастуруш еһтималиниң бар-йоқлиқини сориған. Бу талибанларниң уйғур гуруппилириниң афғанистанда хитайға қарши паалийәт елип беришиға йол қоймайдиғанлиқини тунҗи қетим елан қилиши әмәс. Талибан рәһбири барадәрму илгири һәрқандақ чәт әл гуруппилириниң афғанистанни база қилип, башқа дөләтләргә қарши һәрикәт елип беришиға йол қоймайдиғанлиқини ейтқан иди.

Мәлум болушичә, талибанларниң афғанистанда һакимийәтни игилиши афғанистандики уйғурлардиму қаттиқ әндишә қозғиған. Улар талибанларниң хитай билән мәхпий келишим түзүп, өзлирини хитайға өткүзүп беришидин қаттиқ әндишигә чүшкән. Хитай һөкүмити илгири талибанларниң "шәрқий түркистан ислам һәркити" гә зәрбә беришини, униң билән достлуқ мунасивити қуруш вә афғанистанға мәбләғ селишниң алдинқи шәрти қилип қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт