Taliban afghanistanda xitaygha qarshi Uyghur qoralliqlirining yoqliqini ilgiri sürgen

Muxbirimiz erkin
2021-08-27
Share

Afghanistanda hakimiyetni tartiwalghan talibanlarning qatar paytexti dohadiki siyasiy ishxanisining bayanatchisi, afghanistanda xitaygha qarshi Uyghur qoralliqlirining yoqliqini, shundaqla ularning afghanistanni baza qilip xitaygha qarshi heriket élip bérishigha yol qoymaydighanliqini bildürgen.

Bu sözlerni talibanlarning bayanatchisi muhemmet na'im 26-awghust yaponiyening bir muxbirining mexsus ékran ziyaritini qobul qilip, uning Uyghurlar heqqidiki su'allirigha jawap bergende éytqan.

Yaponiye muxibiri ‍uyghurlarning talibanlargha oxshashla musulman ikenlikini, talibanlarning xitayning u'uyghurlargha qiliwatqanlirigha qandaq qaraydighanliqi, shundaqla talibanning Uyghur guruppilirining afghanistandiki heriketlirini basturush éhtimalining bar-yoqliqini sorighan. Bu talibanlarning Uyghur guruppilirining afghanistanda xitaygha qarshi pa'aliyet élip bérishigha yol qoymaydighanliqini tunji qétim élan qilishi emes. Taliban rehbiri baradermu ilgiri herqandaq chet el guruppilirining afghanistanni baza qilip, bashqa döletlerge qarshi heriket élip bérishigha yol qoymaydighanliqini éytqan idi.

Melum bolushiche, talibanlarning afghanistanda hakimiyetni igilishi afghanistandiki Uyghurlardimu qattiq endishe qozghighan. Ular talibanlarning xitay bilen mexpiy kélishim tüzüp, özlirini xitaygha ötküzüp bérishidin qattiq endishige chüshken. Xitay hökümiti ilgiri talibanlarning "Sherqiy türkistan islam herkiti" ge zerbe bérishini, uning bilen dostluq munasiwiti qurush we afghanistan'gha meblegh sélishning aldinqi sherti qilip qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet