Уйғур аптоном райони талибанларниң "ш т и һ" билән болған чәк-чеграсини аҗритишини тәләп қилған

Мухбиримиз әркин
2021-08-30
Share

Уйғур аптоном районлуқ һөкүмәт афғанистандики талибанларниң шәрқий түркистан ислам һәрикити билән болған чәк-чеграсини айриши вә уларға зәрбә беришини тәләп қилған. Бу, уйғур аптоном районлуқ һөкүмәтниң тунҗи қетим афғанистан вәзийитидики өзгиришкә қарита ипадә билдүрүшидур. Фирансийә хәлқара радиосиниң хәвәр қилишичә, бу тәләпни уйғур аптоном районлуқ һөкүмәтниң баянатчиси елиҗан инайәт 30-авғуст бейҗиңда өткүзүлгән ахбарат йиғинида ейтқан.

У шәрқий түркистан ислам һәрикити қатарлиқ күчләрниң ‍изчил афғанистанда топлинип, шинҗаңниң бихәтәрлики вә муқимлиқиға тәһдит селип кәлгәнлики, афғанистан талибанлириниң шәрқий түркистан ислам һәрикити қатарлиқ "барлиқ террорлуқ" тәшкилатлири билән болған чәк-чеграсини айришини, шундақла уларға қәтий вә үнүмлүк зәрбә беришини үмид қилидиғанлиқини ейтқан.

Көзәткүчиләрниң ейтишичә, шәрқий түркситан ислам һәрикитиниң афғанистанда мәвҗүтлуқиға аит ениқ дәлил болмисиму, бирақ хитай һөкүмити бу гуруһниң мәвҗут икәнликини тәкитләп, бу арқилиқ ‍өзиниң уйғурларға қаратқан "ирқий қирғинчилиқи" ни йепишқа урунмақтикән.

Хитай һөкүмити 20 йил ‍аввал ш т и һ ни террорлуққа бағлашта уларниң талибан вә әл-қаидә билән болған алақисини сәвәб қилип көрсәткәниди. Лекин елиҗан инайәт 30-‍авғуст мухбирларға афған талибанлириниң "район бихәтәрлики, муқимлиқ вә тәрәққият һәмкарлиқидики тосалғуларни елип ташлап, актип рол ойниши вә пайдилиқ шараит яритиши" ни үмид қилидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт