Uyghur aptonom rayoni talibanlarning "Sh t i h" bilen bolghan chek-chégrasini ajritishini telep qilghan

Muxbirimiz erkin
2021-08-30
Share

Uyghur aptonom rayonluq hökümet afghanistandiki talibanlarning sherqiy türkistan islam herikiti bilen bolghan chek-chégrasini ayrishi we ulargha zerbe bérishini telep qilghan. Bu, Uyghur aptonom rayonluq hökümetning tunji qétim afghanistan weziyitidiki özgirishke qarita ipade bildürüshidur. Firansiye xelq'ara radi'osining xewer qilishiche, bu telepni Uyghur aptonom rayonluq hökümetning bayanatchisi élijan inayet 30-awghust béyjingda ötküzülgen axbarat yighinida éytqan.

U sherqiy türkistan islam herikiti qatarliq küchlerning ‍izchil afghanistanda toplinip, shinjangning bixeterliki we muqimliqigha tehdit sélip kelgenliki, afghanistan talibanlirining sherqiy türkistan islam herikiti qatarliq "Barliq térrorluq" teshkilatliri bilen bolghan chek-chégrasini ayrishini, shundaqla ulargha qet'iy we ünümlük zerbe bérishini ümid qilidighanliqini éytqan.

Közetküchilerning éytishiche, sherqiy türksitan islam herikitining afghanistanda mewjütluqigha a'it éniq delil bolmisimu, biraq xitay hökümiti bu guruhning mewjut ikenlikini tekitlep, bu arqiliq ‍özining Uyghurlargha qaratqan "Irqiy qirghinchiliqi" ni yépishqa urunmaqtiken.

Xitay hökümiti 20 yil ‍awwal sh t i h ni térrorluqqa baghlashta ularning taliban we el-qa'ide bilen bolghan alaqisini seweb qilip körsetkenidi. Lékin élijan inayet 30-‍awghust muxbirlargha afghan talibanlirining "Rayon bixeterliki, muqimliq we tereqqiyat hemkarliqidiki tosalghularni élip tashlap, aktip rol oynishi we paydiliq shara'it yaritishi" ni ümid qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet