Stratfor shirkiti: "Xitayning arzulirigha gherq bolghan tarimdiki béhish"

Muxbirimiz eziz
2017-09-18
Élxet
Pikir
Share
Print

Uyghurlar diyaridiki hayatliqning eng aldinqi shertliridin bolghan su menbesi izchil her sahe kishiliri köngül bölüp kéliwatqan mesililerdin bolup kelmekte.

Amérikidiki istratégiyilik analiz we kelgüsini mölcherlesh heqqidiki doklatliri bilen nam chiqarghan stratfor shirkiti teyyarlighan tarim deryasi we uning rayon iqtisadidiki roligha béghishlan'ghan doklat ene shu mesilini yene bir qétim kishilerning diqqitige sundi.

17-Séntebir küni "Fabyus maksimus tori"da élan qilin'ghan doklatta Uyghurlar diyaridiki su menbesining dawamliq tariyip bérishi uzaq bolmighan kelgüside ötmüshtiki tarixni qayta tekrarlishi, buning bilen tarim wadisidiki bostanliqlar yer yüzidin ghayib bolushi mumkin, dégendek bir qabahetlik signalni yollidi.

Maqalida körsitilishiche, Uyghurlar diyaridiki yerlerning mutleq köp qismigha ashliq térishtek en'ene 1990-yillardin bashlap özgergen. Buning netijiside bu rayondiki bingtu'enler xitayning asasliq paxta bazisigha aylinip qalghan, rayondiki eng asasliq deryalarning biri bolghan tarim deryasining süyi munbet yerlerni igiliwalghan bingtu'enlerge aqturulghan. Buning bilen yerlik Uyghurlarning su menbesidin paydilinish imkaniyiti tariyip, ulardiki naraziliqning bir sewebi bolup qalghan.

Maqalining axirida "Gerche bu xitayning muhit tengpungluqini qoghdishidiki tunji urunushliri bolmisimu, nawada xitay hökümiti tarim deryasining süyini mushundaq uzaqqa élip kétishni dawam qilsa tarim wadisidiki ékologiye axirqi pellige bérip qalidu" déyilidu.

Toluq bet