Tarim oymanliqida eng chong néfit zapisi bayqaldi

Muxbirimiz eziz
2016-04-20
Share

Xitaydiki "Sina tori" we bashqa xitayche tor menbelirining uchurliridin melum bolushiche, Uyghurlar diyaridiki tarim oymanliqidin tarixtiki eng chong néfit bazisi bayqalghan.

Yéngidin bayqalghan bu néfitlikning zapas néfit miqdari töt milyard tonnigha yéqin bolup, tebi'iy gaz zapas miqdari ikki tirilyon kupmétir iken. Uningdin bashqa bu néfitlik tewesidiki zapas kömür miqdari 188 milyard tonnidin ashidiken. Mutexessislerning tekshürüshiche, mezkur néfitlik etrapida yene zor miqdarda uran zapisi bar iken.

Xitay hazir dunyadiki eng chong néfit import qilghuchi dölet bolup, mezkur néfitlikte resmiy qézish bashlansa xitayning néfit importi zor derijide aziyidiken. Alaqidar uchurlardin melum bolushiche, xitayning daching we bashqa néfitlikliri hazir ishlepchiqirishtin toxtighan bolghachqa, mezkur néfitlik xitay sana'itining kelgüsi tereqqiyati üchün hel qilghuch ehmiyetke ige iken.

Alaqidar melumatlarda körsitilishiche, se'udi erebistanning hazirqi omumiy néfit zapisi 38 milyard tonna bolup, dunya néfit zapisining beshtin birini teshkil qilidiken. Xitayning hazirche melum bolghan omumiy néfit zapisi töt milyard tonnigha yéqin bolup, tarim néfitlikidiki yéngidin bayqalghan bu néfit zapisi xitayning hazirqi néfit zapisidinmu köp iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet