Тарим нефитликидин уйғурларға мәнпәәт йетиватқанлиқи тәкитләнди

Мухбиримиз әзиз
2021-01-12
Share

Йеқинқи бирнәччә һәптидә хитай һөкүмитиниң "хитайниң енергийә базиси" дәп атиливатқан уйғур дияридин хитай өлкилиригә күнигә қанчә милйон доллар қиммитидики нефт вә тәбиий газ тошуп кетиватқанлиқи, буниң билән шәрқий хитай тәвәсидики 15 өлкидә яшаватқан 400 милйондин артуқ хитайниң иссиниш вә турмуш мәсилисиниң һәл болғанлиқи һәққидә көп қетимлап хәвәр берилгән иди. 11-январ күни хитай һөкүмити уштумтут йеңи учур тарқитип, тарим нефитликиниң тарим вадисидики төт милйондин артуқ хәлқни газ билән тәминләватқанлиқини тәкитлиди.

Хитай һөкүмити башқурушидики "шинхуа агентлиқи" ниң 11-январдики хәвиридә ейтилишичә, 2020-йили ичидә тарим нефитликидин төт милярд куп метирдин көпрәк тәбиий газ тарим вадисидики һәрқайси шәһәрләргә тошулған. Шундақла үч миң километир узунлуқтики газ турубиси буниңға йеңи һаятий күч ата қилған.

Һалбуки, хәвәрдә газ билән тәминлиниватқан көп қисим орунларниң һәрқайси биңтуәнләрдики 42 наһийә вә шәһәрләр икәнликиму алаһидә тилға елинған. Бәзи анализчилар бу һалға қарап "хитай һөкүмитиниң ‹тарим вадисидики аһалини газ билән тәмин әттуқ' дегини йәнила ашу көчмән хитайларни хатирҗәм қилиш тәдбириниң инкаси. Улар мушу арқилиқ йәнә бир қетим ташқи дуняниң көзини бойимақчи," деди. Радийомиз игилигән әһвалларму нөвәттә тарим вадисидики көплигән уйғур аилилириниң әң әқәллий болған иссиниш мәсилисини һәл қилишқа илаҗисиз қеливатқанлиқини дәлиллигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт